flash

കലോത്സവത്തില്‍ മികച്ച വിജയം പറവൂര്‍ എസ് എന്‍ വി സംസ്കൃതഹയര്‍സെക്കന്ററി സ്ക്കൂളിന്.... പറവൂരില്‍, പ്ലസ് ടുവിലും, എസ് എസ് എല്‍ സി യിലും, മികച്ചവിജയം നേടുന്ന ഏകവിദ്യാലയം.. പറവൂരിന്റെ ചരിത്രത്തിലെ ഏറ്റവും കൂടുതല്‍ ഫുള്‍ എ പ്ലസ് (30) എസ് എസ് എല്‍ സി പരീക്ഷയില്‍ നേടിയ വിദ്യാലയം

Tuesday, 22 September 2015

ശാസ്ത്രോത്സവം സ്വാഗതസംഘം

പറവൂര്‍ എസ് എന്‍ വി സംസ്കൃതഹയര്‍ സെക്കന്ററി സ്ക്കൂളില്‍ വച്ചു നടക്കുന്ന ഉപജില്ലാ ശാസ്ത്രോത്സവത്തിന്റെ സ്വാഗതസംഘരൂപീകരണയോഗം 22-9-2015 ന് സ്ക്കൂള്‍ ഹാളില്‍ നടന്നു. ബ്ലോക്ക് പഞ്ചായത്ത് പ്രസിഡന്റ് ശ്രീമതി രമ ശിവശങ്കരന്‍ പരിപാടി ഉദ്ഘാടനം ചെയ്തു. പിടിഎ പ്രസിഡന്റ് ശ്രീ പി ​എസ് ജയരാജ് അദ്ധ്യക്ഷത വഹിച്ചു. യൂണിയന്‍ സെക്രട്ടറി ശ്രീ ഹരിവി‍ജയന്‍ അനുഗ്രഹപ്രഭാഷണം നടത്തി.

Wednesday, 2 September 2015

സെപ്റ്റംബര്‍ 2 - നാളികേരദിനം

ലോക നാളികേരദിനത്തോടനുബന്ധിച്ച് നമ്മുടെ സ്ക്കൂളില്‍ നടന്ന വ്യത്യസ്തമാര്‍ന്നപരിപാടിയായിരുന്നു, തെങ്ങില്‍ നിന്നുള്ള ഉല്പന്നങ്ങളുടെ പ്രദര്‍ശനവും വില്‍പനയും. പ്രത്യേകം എടുത്തുപറയോണ്ട സംഗതി ഇത് സംഘടിപ്പിച്ചത് വിഭിന്നശേഷിയുള്ള കുട്ടികളും അവരുടെ മാതാപിതാക്കളുമായിരുന്നു. സ്ക്കൂളിലെ റിസോഴ്സ് ടീച്ചറായ ഫിജി ടീച്ചറുടെ നേതൃത്വത്തിലായിരുന്നു പരിപാടി.
തെങ്ങോലകൊണ്ടുള്ള ഉല്പന്നങ്ങള്‍, ചിരട്ട, മടല്‍ എന്നിവകൊണ്ടുള്ള കരകൗശലവസ്തുക്കള്‍, കരിക്ക് പായസം, ലഡ്ഡു, ചമ്മന്തിപ്പൊടി, ചിപ്സ്, കേക്ക്, വിനാഗിരി....എന്നിങ്ങനെ പുതുമയുള്ളവസ്തുക്കളായിരുന്നു പരിപാടിയുടെ ആകര്‍ഷണം,